Shqip
English 
Praktika profesionale
Për të marrë titullin Auditues Ligjor, së pari ju duhet të kryeni praktikën profesionale pranë një audituesi ligjor, gjatë së cilës ju do të merrni edukim të mëtejshëm teorik dhe praktik si dhe do të zhvilloni aftësitë profesionale dhe vlerat e qëndrimet etike.
Praktika profesionale zgjat 3 vjet dhe kryhet në kushtet e punësimit me kohë të plotë.
Për tu pranuar në praktikën profesionale ju duhet të dorëzoni kërkesën të shoqëruar me dokumentat përkatëse në periudhën 1 – 15 nëntor të cdo viti pranë Institutit të Ekspertëve Kontabël të Autorizuar. Një kriter i domosdoshëm është të keni përfunduar studimet e larta dhe të jeni pajisur me një diplomë “Master”.
Lista e dokumentave.
Për aplikantët e interesuar për të ndjekur praktikën profesionale
1. Programi i Studimeve Postmaster
Programi postmaster për marrjen e titullit “Auditues Ligjor” zhvillohet pranë IEKA-s dhe ka kohëzgjatje minimale prej tre (3) viteve kalendarike.
Ky program përfshin module të avancuara profesionale në fushat e mëposhtme:
- Raportimi Financiar i Avancuar
- Taksimi i Avancuar
- Legjislacioni i Biznesit i Avancuar
- Auditim dhe Dhënie Sigurie i Avancuar
- Drejtimi i Performancës i Avancuar
- Etika Profesionale
2. Dokumentacioni i Nevojshëm për Regjistrim në Praktikën Profesionale
Në zbatim të neneve 15 dhe 16 të Ligjit nr. 10091, datë 5.03.2009 “Për auditimin ligjor, organizimin e profesionit të audituesit ligjor dhe të kontabilistit të miratuar” (i ndryshuar), kandidatët duhet të dorëzojnë në IEKA dokumentet e mëposhtme:
- Kërkesë me shkrim drejtuar Komitetit të Edukimit dhe Kualifikimit të Vijueshëm Profesional (KEKV)
- Curriculum Vitae të përditësua
- Kopje të kartës së identitetit
- Diplomë e noterizuar e arsimit të lartë:
- Diplomë Bachelor (3-vjeçare) dhe diplomë Master; ose
- Diplomë e integruar e nivelit të dytë; ose
- Diplomë e barasvlershme me to
(Diplomat duhet të jenë në përputhje me Ligjin nr. 10307, datë 22.07.2010 “Për arsimin e lartë në Republikën e Shqipërisë”, në fushat e shkencave ekonomike: kontabilitet, financë, administrim biznesi, ekonomiks ose degë të barasvlershme.)
5. Lista e notave e noterizuar për çdo diplomë
6. Dëshmi penaliteti
7. Marrëveshje për praktikë profesionale me kontratë pune me kohë të plotë, 3-vjeçare
Format për marrëveshjen e Praktikës Profesionale
8. Deklaratë noteriale që vërteton se kandidati nuk ka marrëdhënie të tjera pune me kohë të plotë, në fuqi nga data 1 janar 2026
9. Kontratë individuale pune me drejtuesin e praktikës profesionale, në përputhje me Kodin e Punës të Republikës së Shqipërisë
10. Mandat pagese për tarifën e aplikimit prej 4,000 lekësh, që duhet të bashkëngjitet me dokumentacionin e aplikimit
3. Tarifat e Regjistrimit dhe Trajnimit në Praktikën Profesionale
Tarifa e regjistrimit në praktikën profesionale është 75,000 lekë, me afat pagese deri më 31 mars.
(Miratuar nga Këshilli Drejtues i IEKA-s me vendim nr. 51, datë 07.12.2018)
Tarifa vjetore e trajnimit është 30,000 lekë, me afat pagese deri më 30 qershor.
(Miratuar nga Këshilli Drejtues i IEKA-s me vendim nr. 6, datë 14.01.2020)
4. Llogaritë Bankare të IEKA-s për Pagesën e Tarifës së Aplikimit
Intesa Sanpaolo Bank
Llogaria: 1008131801
IBAN: AL11208110080000001008131801 (LEK)
Banka Kombëtare Tregtare
Llogaria: 402034661
IBAN: AL30 2051 1021 0346 61CL OTCL ALLA
Raiffeisen Bank
Llogaria: 0100003298-ALL
IBAN: AL89202110130000000100003298 (ALL)
Praktika profesionale kryhet pranë dhe nën kujdesin e një drejtuesi të praktikës, i cili duhet të jetë një Auditues Ligjor të regjistruar në Regjistrin Publik dhe që ushtron profesionin prej të paktën tre vjetësh. Në qoftëse marrëveshja është nënshkruar në emër të një shoqërie audituesish ligjore, kjo e fundit duhet të caktojë një Auditues Ligjor, përgjegjës për drejtimin e praktikës profesionale.
Drejtuesi i praktikës profesionale të kandidatit, duke qënë përgjegjësi kryesor për formimin e kandidatit, duhet t’i mundësojë kandidatit kryerjen e praktikës profesionale në kushte optimale dhe mund t’i ngarkojë edhe kryerjen e punëve profesionale nën udhëzimin dhe mbikëqyrjen e tij.
Praktika profesionale nis me fillimin e vitit kalendarik. Kandidati gjatë praktikës profesionale duhet të kryejë pranë drejtuesit të praktikës profesionale, të pakten 800 orë punë në vit në auditimin ligjor të pasqyrave financiare individuale dhe/ose të konsoliduara.
Kandidati mban një ditar të praktikës profesionale në të cilin dokumenton punët që ka kryer ose punët në të cilat ka marrë pjesë, duke shënuar emërtimin dhe formën juridike të sipërmarrjes, natyrën e veprimtarisë së saj, karakterin e misionit dhe kohën e punës të realizuar nga kandidati në kryerjen e misionit, e të tjera të dhëna të nevojshme.
Kandidati në praktikën profesionale duhet të respektojë dispozitat ligjore dhe rregullat që lidhen me punën, mungesat në punë dhe pushimet sipas përcaktimeve në Kodin e Punës të RSH.
Instituti i Ekspertëve Kontabël të Autorizuar vlerëson nëse kandidatët në praktikën profesionale kanë kaluar me sukses të gjitha provimet bazike dhe të njohurive teorike që përfshihen në programin e edukimit të miratuar.
Në përfundim të praktikës, kandidatët depozitojnë dhe mbrojnë një punim profesional që përfshin trajtime teorike e praktike në çështje me interes për ushtrimin e profesionit.
Kriteret për të marrë titullin Auditues Ligjor
Për të hyrë në profesionin e audituesit ligjor kandidatët duhet të plotësojnë kërkesat e mëposhtme:
- Të kenë përfunduar, të paktën studimet universitare të ciklit të dytë, në nivelin “Master”, në një nga degët e studimit në shkencat ekonomike, si kontabilitet, financë, administrim biznesi, ekonomik apo të barasvlershme me to.
- Të kenë kryer praktikën profesionale me kontratë punësimi 3 vjeçare pranë një drejtuesi (Audituesi Ligjor) të praktikës profesionale.
- Të kenë përfunduar me sukses provimet e aftësisë profesionale.