IFAC (Federata Ndërkombëtare e Kontabilistëve)  
IFAC - www.ifac.org  
IEKA - Anëtare e asocuar nga Dhjetor 2003  
IEKA - Anëtare me të drejta të plota nga 13 Nëntor 2008  

Që nga viti 2000, Instituti i Ekspertëve Kontabël të Autorizuar është anëtarësuar në IFAC (Federata Ndërkombëtare e Kontabilistëve). Në vitin 2008 IEKA u bë anëtare me të drejta të plota. IFAC është organizata që përfaqëson profesionin në rang ndërkombëtar, e dedikuar për t’i shërbyer interesit publik nëpërmjet forcimit të profesionit dhe duke kontribuar në zhvillimin e ekonomive të fuqishme ndërkombëtare. IFAC përbëhet nga 175 anëtarë dhe bashkëpunëtorë në më shumë se 130 shtete që përfaqësojnë mbi 3 milionë kontabilistë në praktikën publike, edukim, shërbimin qeveritar, industrinë dhe tregtinë.

 

IEKA bën përpjekje të vazhdueshme për të qenë në pajtueshmëri të plotë me të gjitha deklaratat e detyrimeve të Anëtarësisë (SMO 1 -7).

IEKA ANETARE NE IFAC

FCM
(Federata e Ekspertëve Kontabël të Mesdheut)
FCM - www.fcmweb.org
IEKA - Anëtare nga Viti 2006
 

FCM është një shoqatë e krijuar në fund të vitit 1999 me iniciativën e drejtuesve të organizatave profesionale të vendeve të Mesdheut. Ajo mbledh së bashku organizatat profesionale të cilat veprojnë në vendet e Mesdheut dhe promovon bashkëpunimin midis organizatave profesionale në rajon, si në sektorin privat ashtu edhe në atë publik, për të ndarë njohuritë dhe për të ofruar ndihmë teknike për anëtarët e saj dhe për t’i ndihmuar ata të arrijnë dhe mbajnë standarde të larta profesionale dhe të dhënies së sigurisë. IEKA është anëtare e FCM nga viti 2006.  

IEKA Anetare ne FCM

FIDEF – Federata e Ekspertëve Kontabël Frankofonë
FIDEF - www.fidef.org
IEKA - Anetare nga Viti 2000

FIDEF është një organizatë e krijuar në vitin 1981 me iniciativën e disa profesionistëve nga vende të ndryshme. FIDEF përbëhet nga 52 anëtarë në 4 kontinente të cilët përfaqësojnë rreth 80,000 kontabilistë dhe auditues në të gjithë botën. Instituti i Ekspertëve Kontabël të Autorizuar është anëtar me të drejta të plota në FIDEF që nga viti 2000.

IEKA Anetare ne FIDEF

EFAA (Federata Europiane e Kontabilistëve dhe Audituesve për SME-të)
EFAA - www.efaa.com
IEKA - Anëtare nga Viti 2016

EFAA është një organizatë e krijuar në 1994 e cila mbledh së bashku të gjitha organizatat ndërkombëtare të kontabilistëve dhe audituesve anëtarët e së cilave sigurojnë shërbime profesionale kryesisht për Entitetet e Vogla dhe të Mesme në Europë. EFAA përbëhet nga 12 anëtarë që përfaqësojnë rreth 350,000 kontabilistë dhe auditues në të gjithë Europën. Instituti i Ekspertëve Kontabël të Autorizuar është anëtar me të drejta të plota në EFAA që nga viti 2016.

IEKA Anëtare në EFAA