Njoftim mbi dorëzimin e Pasqyrave Financiare për vitin fiskal 2019

Në bazë të Aktit Normativ nr. 10 për një ndryshim në ligjin nr.8438, “Për tatimin mbi të ardhurat”, i ndryshuar, afati i dorëzimit të pasqyrave financiare për vitin fiskal 2019 është data 31 Korrik 2020.
Së bashku me bilancin kontabël dhe anekset e tij, tatimpaguesi është i detyruar të dorëzojë:

• raportin e ekspertit të autorizuar të shoqërisë (kur ky raport kërkohet nga ligji apo aktet nënligjore),
• inventarin analitik të mallrave gjendje 31.12.2019,
• inventarin e mjeteve të transportit në pronësi,
• kontratat e qirasë për mjediset e marra me qira apo vërtetimin e pronësisë për objektin
• inventarin e aktiveve afatgjata (makina dhe ndërtesa) gjendje deri më datë 31 Dhjetor 2020 sipas formularit bashkëlidhur Udhëzimit nr. 5 datë 30.01.2006, “Për tatimin mbi të ardhurat”, i ndryshuar.

Përveç se sa më sipër, dokumentacioni shtesë i kërkuar në bazë të legjislacionit tatimor në fuqi, i cili do të dorëzohet elektronikisht së bashku me pasqyrat financiare është:

• Pasqyra e flukseve të mjeteve monetare Direkte dhe  Indirekte
• Pasqyra e ndryshimeve në kapitalet e veta
• Pasqyra e performancës (pasqyra e të ardhurave dhe të shpenzimeve) sipas funksionit
• Pasqyra e performancës (pasqyra e të ardhurave dhe të shpenzimeve) sipas natyrës
• Pasqyra e pozicionit financiar

Për më shumë informacion, klikoni këtu.