Shqip
English 
Në mbledhjen e Këshillit Drejtues të datës 28 prill 2017, u diskutua lidhur rishikimin në ulje të kuotave të anëtarësisë për anëtaret e IEKAs. Ky rishikim në ulje u bë e mundur në sajë të nismës që Këshilli Drejtues mori në mbledhjen e datës 13 dhjetor në të cilin ngarkoi një grup pune për të paraqitur disa variante të rishikimit në ulje të kuotave por dhe duke marrë në konsideratë kërkesën e një numri të konsiderueshëm të anëtarëve të cilët ju drejtuan atij.
Duke treguar kujdes që të mos cënohet veprimtaria e Institutit, Këshilli vendosi që t’i propozohen
Asamblesë së Përgjithshme të Anëtarëve variantet më poshtë:
- Varianti 1
Kuota fikse 70.000 lekë Kuota variabël 0,5% e të ardhurave totale totale për nivelin e të ardhurave totale nga 0-8 mln lekë dhe 0,3% e të ardhurave totale për nivelin e të ardhurave totale mbi 8 mln lekë. - Varianti 2
Kuota fikse 70.000 lekë Kuota variabel 0,5% e të ardhurave totale - Varianti 3
Kuota fikse 100.000 lekë Kuota variabël 0,5% e auditimeve ligjore
Gjithashtu në mbledhje u diskutuan dhe u morën vendime edhe për cështje të tjera si:
- Kontrollin e cilësisë të kryer në vitin 2016 – rekomandimet e lëna nga mbledhja e muajit mars,
- Miratimi i PF 2016 si dhe realizimi i buxhetit, analiza e veprimtarive tekniko profesionale,
- Cështje me natyrë teknike dhe administrative.